Өчигдрийн орой орсон ширүүн борооноор Хэнтий аймгийн Чингис хот үерт автжээ. Одоогоор зам талбай нэлэнхүйдээ усанд автсан байдалтай байгаа бөгөөд зарим байруудын доод давхар усаар дүүрчээ.
Аймгийн онцгой болон цагдаагийн байгууллага шуурхай ажиллаж байна. Хохирлын хэмжээг одоогоор тогтоогоогүй байгаа бөгөөд байгалийн гэнэтийн үзэгдэлд хэр бэлтгэлтэй байгаагаа тус аймаг харууллаа. Зүүн аймгуудын нутгаар бороо хур багатай байсан ч сүүлийн өдрүүдэд ширүүн бороо ойр ойрхон орсон. Цаашид энэ байдал дахин үргэлжилбэл үерт автах магадлал өндөр байгаа аж.
Цаг уурын газраас мэдээлж байгаагаар энэ сарын ихээр усархаг бороо ойр ойрхон орох тул гэнэтийн үер ус, мөндөр, аянга цахилгаан, нөөлөг салхины аюулаас сэрэмжтэй байхыг анхааруулж байна.
Ц.ХИШГЭЭ