Аймгийн УЦУОШГ-ын ус судлалын ажиглалтын мэдээллээр Хэрлэн голын ус Чойбалсан хот орчим дахь ажиглалтын цэгт нэмэгдэж, дунджаар 81 см болсон байна. Ажиглалтын цэг орчимд усны түвшин 8-р сарын 4-ний өдөр 73 см-т хүрч доошлоод байжээ. Энэ өдрөөс эхлэн хур бороо орсонтой холбоотойгоор голын усны түвшин цаашид ч нэмэгдэх хандлагатай байгаа юм.
Харин Улз голын усны түвшин Баян-Уул орчимд энэ жилийн хамгийн доод хэмжээндээ тулж буугаад байна. Улзын усны түвшин наадмын өдрүүдэд 121 см байсан бол өнөөдөр 106 см болжээ. Харин Чулуунхороот орчимд 10 см-ээр дээшилж 92 см-т хүрсэн байна. Ойрын өдрүүдэд ихэнх нутгаар усархаг түр зуурын бороо орох тул гэнэтийн үер ус, мөндөр, аянга цахилгаан, нөөлөг салхины аюулаас сэрэмжтэй байхыг цаг уурчид онцгойлон анхааруулж байна.
ЭХ СУРВАЛЖ:DORNOD.NET