Агаарын бохирдлыг бууруулах зорилгоор Улаанбаатар хотын гэр хорооллын айл өрхийг шөнийн цахилгааны хөнгөлөлтөнд хамруулдаг. Тэгвэл энэ жилээс орон нутгийн гэр хорооллын айл өрхийг шөнийн цахилгааны хөнгөлөлтөнд хамруулахаар болсон байна. 10 мянгаас дээш хүн амтай сум суурин газрын гэр хорооллын бүсэд орших айл өрхийн эрчим хүчний шөнийн хэрэглээг 50 хувь хөнгөлөхөөр болсон байна. Ирэх 11-сарын 1-нээс 2018 оны 4-р сарын нэгэн хүртэл хөнгөлөх бөгөөд хөнгөлөлтөнд 2 тарифт тоолууртай айл өрхүүд хамрагдах боломжтой юм байна.
Дорнод аймгийн хэмжээнд 10355 гэр хорооллын айл өрх байгаагаас 169 нь 2 тарифт тоолууртай байна. Үндсэндээ эдгээр 169 өрх шөнийн цахилгааны хөнгөлөлтөнд хамрагдах юм байна. Харин бусад өрхүүд цахилгааны тоолууураа 2 тарифт тоолуурт шилжүүлснээр шөнийн цахилгааны төлбөрөө 50 хувь хөнгөлүүлэх боломж бүрдэх юм байна. Мөн өвөлжилтийн бэлтгэл ажилтай холбоотой цахилгааны дулааны техникийн нөхцөл олгох үйл ажиллагааг ирэх оны 3-р сарын 1 хүртэл түр хугацаагаар зогсоож байгааг мэдэгдлээ.
А.ИЧИНХОРЛОО