ЗАВХАН АЙМГААС ШУУРХАЙ ШТАБ БОЛОН АЖЛЫН ХЭСЭГ БАЙГУУЛАН ЭРЭН ХАЙГЧДЫГ ХООЛ ХҮНС, ШАТАХУУН ТҮЛШЭЭР ЭЭР ХАНГАЖ АЖИЛЛАЖЭЭ
Отгонтэнгэр ууланд осолдсон уулчдыг эрэн хайхад нийт 220 гаруй хүн, 35 техник хэрэгсэл, 2 онгоцтойгоор ажилласан байна. Ослын голомтод ОБЕГ-ын дарга, хошууч генерал Т.Бадрал, тэргүүн дэд дарга, бригадын генерал Г.Ариунбуян нараар ахлуулсан Онцгой байдал, Цагдаа, Зэвсэгт хүчин, шүүхийн шинжилгээ, эмнэлгийн байгууллагын алба хаагчид үүрэг гүйцэтгэн ажилласан. Үүнээс гадна Завхан аймгийн засаг даргын орлогчоор ахлуулсан Шуурхай штаб, Шуурхай зохион байгуулах ажлын хэсэг байгуулан ажиллажээ. Тэд Улаанбаатар хотоос ирсэн аврах баг бүрэлдэхүүнийг мэдээ мэдээлэл, хоол хүнсээр хангах ажиллагааг хариуцан ажилласан байна. Осолдсон 17 уулчныг эрэн хайхад Завхан аймгаас 8 гэр, 5 платик барин, 200 гаруй хүний хүнс хоолыг хангах ажиллагааг зохион байгуулсан байна. Мөн эрэн хайх ажиллагааны үеэр 8 хүнээс бүрдсэн сэтгэлзүйчийн баг ажиллуулсан бөгөөд 35 техник хэрэгсэлд зарцуулах 12 тонн шатахууныг аймгийн Петровис, Ник компаниудаас, 2 онгоцонд зарцуулах 7,5 тонн түлшийг аймгийн онгоцны буудлаас хүргүүлжээ.
Үүний үр дүнд осолдсон бүх уулчдыг олж, эрлийн ажиллагааг амжилттай дуусгасан байна. Аврах ажиллагааны хээрийн штаб штаб 2811 метрийн өндөрт байрлаж, аврагчид 200 метр өргөн, 800 метр орчим урт, ойролцоогоор 160000 м2 талбайд эрэн хайх ажиллагааг зохион байгуулсан байна.
Б.ШҮРЭЭ