Энэ удаагийн сонгуулиар хамгийн олон иргэн шилжилт хөдөлгөөн хийсэн байна. Тэр дундаа орон нутгийн тоотой хэдхэн тойрогт олноороо шилжин очсон нь сонгуулийн дүнд нөлөөлөх асуудал үүсгэх магадлал өндөр байна. Сонгуулийн тухай хуульд зааснаар 6-р сарын 14-ны 24.00 цаг хүртэл сонгогчийн шилжилт хөдөлгөөнийг нээлттэй байлгасан. Энэ сонгуулиар 21199 хүн сонгогчийн шилжилт хөдөлгөөн хийх хүсэлтээ гаргасан боловч хуульд заасан хугацаанд 18309 иргэн амжиж бүртгүүлсэн байна. Өөрийн санал өгөх хэсгээс хасалт хийлгэсэн ч шилжиж очсон хэсгийн хороонд бүртгүүлж амжаагүй 2890 сонгогч санал өгөх эрхгүй болжээ.
Л.ГАНТУЯА
