2016 оны УИХ-ын болон аймаг орон нутгийн ИТХ-ын сонгууль албан ёсоор өглөөний 7:00 цагт эхэлсэн. Энэ удаагийн УИХ-ын ээлжит сонгуульд 496 нэр дэвшигч, аймаг, нийслэлийн ИТХ-ын сонгуульд 2288 нэр дэвшигч, нийт 2786 нэр дэвшигч өрсөлдөж байгаа юм.
Нийслэлийн 22 сонгуулийн хороо, сум, дүүргийн 339 сонгуулийн хороо байгуулагдаж, тэдгээрт төрийн жинхэнэ болон үйлчилгээний нийт 20 гаруй мянган төрийн албан хаагч ажиллаж байна. Сонгуулийн үйл явцыг ажиглахаар АНУ, ОХУ, Англи, Канад, Швед, ХБНГУ, Франц, Австрали зэрэг 50 гаруй улс, олон улсын байгууллагын 430 гаруй ажиглагч ажиллаж байгаа бол олон улсын хэвлэл мэдээллийн хэрэгслээс 20 гаруй сэтгүүлч, дотоодын 50 орчим мэдээллийн хэрэгслийн 413 сэтгүүлч сонгуулийн үйл явцыг сурвалжилж байна.
Ирэх 4 жилд төр түшилцэх итгэлт хүний сонгох ажил үргэлжилсээр байна. Та бүхэн сонгуульдаа идэвхтэй оролцоорой.
А.САЯН