Өнөөдөр ирэх дөрвөн жилд өөрийг тань төлөөлж, төр түшилцэх итгэлт хүнээ сонгох учиртай ийм л хариуцлагатай өдөр. Гэтэл залуучууд саналын хуудсыг албаар буруу дугуйлж эсэргүүцлээ илэрхийлжээ. УИХ-ын 49 тойргийн санал авах байранд саналын хуудсыг албаар буруу дугуйлсан цөөнгүй тохиолдолд гарсан байна. Тэд бүгд залуучууд бөгөөд яагаад ингэж дугуйлсан учрыг асуухад, “Сонгох хүн алга, сонгууль өгөхөөс дургүй хүрч байна” гэсэн хариултыг өгчээ.
Энэ өдөр бол эсэргүүцлээ энэ мэтээр илэрхийлэх өдөр биш юм. Ердөө төр барих эрхээ эдэлж байгаа цорын ганц өдөр гэж сэтгэж хариуцлагатай хандах учиртай. Таныг байхгүй л бол сонгуулийн ирц бүрдэхгүй юм шиг, улс орны хөгжил урагшлахгүй юм шигээр бодож ганц олдох энэ өдрөө эрхээ эдэлж, сонгуульдаа идэвхитэй оролцохыг уриалъя.
А.ТҮВШИН