Нүүр   /  

2017-02-11  

Монгол улсын Засгийн газрын 202 тоот тогтоолоор баталсан шинэчилсэн журмын дагуу сар шинийн баяраар Улсын аварга малчин, Улсын аварга саальчин, Улсын аварга фермер, Улсын аварга тариаланч хамт олон зэрэг шагналыг олгохоор шийдвэрлэсэн. Үүний дагуу аймгууд ч мөн шагналын журмаа шинэчилж, аймгийн аваргуудаа тодруулаад байна.

Энэ жил Ховд аймгаас Улсын аварга малчин 5, Улсын аварга тариаланч 2 тодорсон байна. Хөдөө аж ахуйн салбарт төр засгийн бодлого шийдвэрийг хэрэгжүүлэх, мал аж ахуйн үйлдвэрлэлийг хөгжүүлэх, мал сүргээ таван төрлөөр нь өсгөн үүлдэр угсаа, ашиг шимийг нь нэмэгдүүлж байгаа Чандмань сумын Жаргалант багийн малчин Дашдоржийн Нямгэрэл, Алтай сумын Алтангадас багийн малчин Адуучийн Батжаргал, Мөст сумын Баянхайрхан багийн малчин Даваагийн Дашзэвэг, Эрдэнэбүрэн сумын Хонгио багийн малчин Намдагийн Олонбаяр, Булган сумын Байтаг багийн малчин Даваагийн Дүгэржав нар" Монгол улсын аварга малчин" цолны болзол хангасан байна.

Түүнчлэн газар тариалангийн салбарт үр бүтээлтэй, тогтвортой ажиллаж яваа Жаргалант сумын Хайрхан багийн тариаланч Лхамсүрэнгийн Цэцэгсүрэн, Буянт сумын Норжинхайрхан багийн тариаланч Жигжидийн Хартолгой нарыг "Монгол улсын аварга тариаланч"-аар шалгаруулжээ.

 

 

ХОВД АЙМГААС Х.АЛТАНТУЯА МЭДЭЭЛЛЭЭ

АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна

ИРЭХ СОНГУУЛЬД ТА АЛЬ НАМД САНАЛАА ӨГӨХ ВЭ?

МАН

АН

ХҮН

БУСАД

Санал өгөх