УИХ-ын намрын чуулган завсарлаж, УИХ-ын гишүүд УИХ-аас баталж гаргасан хууль тогтоомжийг сурталчлах, төр засгийн бодлого шийдвэрийг танилцуулах, иргэд сонгогчдынхоо дуу хоолойг сонсохоор тойрогтоо ажиллаж байна.
УИХ-ын гишүүн Жаргалант сумын Бичигт, Наран,Тахилт, Баатархайрхан зэрэг тойргийнхоо багуудын ахмадуудыг хүлээн авч уулзан, ахмад настны талаар төрөөс авч хэрэгжүүлж буй бодлого шийдвэрийн талаар мэдээлэл, өгч тэдний сонирхсон асуултад хариулт өглөө.
Энэ үеэр УИХ-ын гишүүн, ХЗДХ-ийн сайд С.Бямбацогт Жаргалант сумын Тахилт, Бичигт, Баатархайрхан, Наран гээд тойргийнхоо багуудын 75-аас дээш настай ахмадууддаа сар шинийн мэндчилгээ дэвшүүлж, хүндэтгэл үзүүлэн, тавгийн идээ гардууллаа.
УИХ-ын гишүүн, ХЗДХ-ийн сайд С.Бямбацогт энэ сарын 19 хүртэл Ховд аймагт тусгай хөтөлбөрийн дагуу ажиллана. Энэ хугацаанд салбарын байгууллагуудын алба хаагчдын нэгдсэн уулзалтыг зохион байгуулах, боловсрол, эрүүл мэндийн салбарын зарим байгууллагаар орж ажиллахаас гадна Манхан, Буянт, Мөст, Алтай, Үенч, Булган сумдад ажиллах юм.
ХОВД АЙМГААС Х.АЛТАНТУЯА МЭДЭЭЛЛЭЭ