"Нам дагавал ам тосдоно" гэдэг үг үнэхээр биеллээ олжээ. Саяхан л хэдэн жаахан хүүхдүүд хамтлаг болж, дуу дуулж, бүжиг бүжиглэж явсан "Номин талст" хамтлагийнхан ёстой л нөгөө "томорчихсон" гэдэг шиг их л "пээдгэр" алхах болсон байна.
Учир нь МАН-ынхны нөмөр нөөлгийг бараадсаны хүчинд ихэнх нь мөнгөжөөд авсан төдийгүй дээгүүр, доогуур царай алдаж гүйсний эцэст хамтлагийн дуучин Д.Батсүх Нийслэлийн Аялал, жуулчлалын газрын даргын албан тушаалд заларсан бол хамтлагийн ахлагч Хаянаа Нийслэлийн Хөрөнгө оруулалтын газрын дэд даргаар томилогдон ажиллаж эхэлсэн байна. Тэрээр дуулахаас өөр зүйл чадахгүй тэдний хувьд энэ суудлууд нь ёстой л хурцадсан гэхэд болно. Хэдий тийм ч мөнгө байгаа хойно тэрнийхээ төлөө улайрахгүй гээд яах вэ. Өндөр албан тушаалд заларсан гэсэн шиг саяхны нэгэн арга хэмжээн дээр хамтлагийн ахлагч Хаянаа нэлээд хямсгар алхаж яваа харагдана лээ.
Харин хамгийн сонирхолтой нь түүнийг анзаарах хэн ч байхгүй харагдсан шүү. Үүнээс харахад нэг тогоонд буцалж явсан урлаг соёлын салбарынхан түүний байгаа байдалд дургүй байгаа нь илэрхий байсан гэж хэлж болох юм. Хэлэх байтугай зарим нэг нь дургүй байдаг гэсэн шуум тараад авсан байдаг шүү. Одоо тэгээд дуучин залуус төрийн ажлыг ямар түвшинд удирдахыг харах л үлдэх шив дээ.
Ч.БЯМБАА