Кизомба бүжиг сонирхогч залуус “Кизомба Пэйшн” клубийнхээ 2 жилийн ойн хүрээнд “Хүүхдийн ертөнц бол ном” аянд зориулж ном хандивлалаа. Лхагва гараг бүр үдэшлэг зохиодог уг клубийн бүжигчин залуус энэхүү оюунлаг аянд нэгдэхдээ 2011 оноос хойш хэвлэгдсэн сурах бичиг болон гадаад хэл, уран зохиолын номуудыг цуглуулж Хүүхдийн Паркийн нууран дундах цамхагт нэгэн номтой үдшийг өнгөрүүллээ.
Залуус мөн өөрсдийн редакторласан, эхийг нь өөрсдөө бэлтгэсэн номуудаа ч бэлэглэсэн юм. Уг аяныг АНУ, Солонгос, Япон, Монгол гэсэн улсад хүүхдийн асрамжийн төвд номын сан байгуулж, хүүхдийн эмнэлгийн хүлээлгийн танхим болон эмнэлэг дотор номын өргөө өөрсдийн бололцоогоор байгуулах зорилготойгоор зохион байгуулж байгаа билээ.
О.НАНСАЛМАА
