Твиттерч залуус санаачлан ХӨСҮТ-ийн хоёр өрөөг тохижуулжээ. Тус ажлыг И.Батхишиг болон твиттерч залуус санаачлан эхлүүлсэн бөгөөд Хаан банк 60 сая төгрөгийн санхүүгийн дэмжлэг үзүүлсэн байна.
Энэ ажлын хүрээнд ХӨСҮТ-ийн Эрчимт эмчилгээний тасаг улсдаа жишигт тооцогдохуйц халдварт өвчтэй хүүхдүүд хэвтэн эмчлүүлэх хоёр өрөөтэй болжээ. Өнгөрсөн гурав болон зургаан сард хүлээлгэн өгсөн тус өрөөнд амьсгалын аппарат, дуслын помп, монитор, ор, зэрэг бүх хэрэглэл нь стандартын шаардлага хангажээ. Үүнээс гадна ариун цэврийн өрөөг нь хүртэл шийдэж өгсөн байна.
Ингэснээр хэвтэн эмчлүүлж байгаа хүүхдүүдийн аюулгүй, цэвэр орчинд эмчлүүлэх боломж нь нэмэгдэж, стандартын шаардлага хангасан багаж тоног төхөөрөмжөөр эмчилгээгээ авдаг болсон байна.
Б.БАТБААТАР