Ардчилсан Намаас Ерөнхийлөгчийн сонгуультай холбоотойгоор хэвлэлийн хурал хийлээ. Намын дарга С.Эрдэнэ хэлэхдээ "Маш хүнд сонгууль болж өнгөрлөө. Сонгуулийн урьдчилсан дүнгээр Ардчилсан намаас нэр дэвшигч Х.Баттулга 508823 хүний санал авч тэргүүллээ. Энэ удаагийн сонгуулийн штабыг Я.Санжмятав, Нийслэлийн сонгуулийг Д.Баттулга хариуцсан бол эмэгтэйчүүдээс УИХ-ын гишүүн З.Нарантуяа, БГД-ийн Засаг дарга С.Одонтуяа нар хариуцан ажиллалаа" гэлээ.
АН-аас нэр дэвшигч Х.Баттулга "Дэмжиж ажилласан гадаад, дотоодод суугаа Монголчууддаа, “Монгол ялна” гэсэн уриаг итгэл үнэмшилтэйгээр хүлээж авсан, журмын нөхдөдөө дахин баярлалаа" хэмээн сэтгэгдлээ илэрхийллээ. Тэд сонгуультай холбоотой дэлгэрэнгүй мэдээллийг маргааш өглөө мэдээлнэ" гэв.
Ц.ХИШГЭЭ