МАН-д Ц.Нямдоржоос өөр олигтой дуугардаг хүн байдаггүй гэдэг. Тэгвэл түүний нутгийн хүү Хүрэлбаатар ахыгаа залгамжлахаар хэлд оржээ. Тэр нэг их дуугараад байдаггүй. Төсөв мөнгөний асуудал ярих үеэр эдийн засагч, мөн сангийн сайд хүн байсны хувьд дуугарчихдаг. Гэхдээ сүүлийн үед нэлээд идэвхжилээ. Сонгууль хаяанд ирсэнтэй ч бас холбоотой. Өмнөх жилүүдэд юу болсныг, ард түмний амьдрал хэрхэн доройтсоныг ярьж хэвшээгүй. АН-ын е/н/б-ийн дарга Эрхэмбаярын "Энэ дөрвөн жилийн хугацаанд ард түмний амьдрал дээшилсэн" гэж хэлсэн үг түүний гэдэнг хөдөлгөжээ.
"Хэдэн даргын амьдрал сайжирсан байх. Ард түмэн ядуурсан" гэж тэр эсэргүүцлээ. Тэрбээр УИХ-ын дарга сонгуулийн хууль зөрчсөн тул тэдний нам сонгуульд оролцох эрхгүй ч гэж хэлээд авсан байна. АН-ын сонгуулийн гол хөзөр болсон ипотекийн хувийг 8-аас 5 болгохдоо төсвийнхөө бодлогод суулгаагүй нь сонгуулийн хууль зөрчсөн үйлдэл гэж үзэж байгаа аж.
Ц.ОТГОНБАЯР
