Владивостокт Путины санаачлагаар эдийн засгийн форум болж ирсэн. Оролцогчид нь Орос, Япон, Солонгос, Монгол гэж яригддаг. Энэ намар болсон тус форумд Монгол улсын ерөнхийлөгч Х.Баттулга анх удаа оролцсон. Оросоос дэмжлэг авах, Архангельскээр дамжуулан Хоккайдо руу тээвэр хийх асуудал ч яригдсан. Тэгвэл 21-р зууны Оросын бахархал гэж Алс дорнодыг Путин нэрлэлээ. Хөрсөн доорхи газрын баялаг, түүнийг эдийн засгийн эргэлтэнд оруулах, өндөр технологи бүхий аж үйлдвэрийг хөгжүүлэх, техник технологийн шинэчлэл нэвтрүүлэх, шинэ хот суурин байгуулах, газар нутгаа хүн амжуулах, хүн амынхаа хөгжил, боловсрол, эрүүл мэндэд хөрөнгө оруулна гэдгээ Путин амлалаа. Алс дорнодод гэрэлт ирээдүй бий. Түүнийг ч Алс Дорнодын форум оролцогчид анзаарч мэдэрсэн. Тиймээс энэхүү Оросын 21-р зууны бахархлыг бий болгоход бүс нутгийн улс орнууд, тэр дундаа Хятад, Япон, Солонгосын оролцоо, хөрөнгө оруулалт үнэ цэнтэй байх болно гэдгээ Путин илэрхийллээ. Алс Дорнодын хөгжлийг хамарсан илтгэлд Монгол улс, түүний оролцооны тухай ганц ч үг, өгүүлбэрийг Путин цухуйлгасангүй.
Ц.БАТТУЯА