МАН-ын Их Хурлын 1309 төлөөлөгч МАН-ыг сөрөг хүчин байх цагаас нь удирдаж, УИХ-д 65 буюу үнэмлэхүй олонхи болгосон намын дарга, одоогийн УИХ-ын дарга М.Энхболдын улс төрийн илтгэлийг сонсоно.
Намын дүрмийг өөрчлөх ажлын хэсгийн саналыг хэлэлцэж, дүрмэндээ зохих өөрчлөлт хийх гэж гишүүд нь хүлээж байна. МАН-ын ерөнхий нарийн бичгийн дарга Амарбаясгалан "МАН-ын тайлан илтгэл" тавьсны дараа намын даргаа сонгох, удирдах бүрэлдэхүүнээ шинэчлэх гол ажилдаа гишүүд орно. Намын дарга, ерөнхий нарийн бичгийн дарга, нарийн бичгийн дарга, удирдах зөвлөл, хяналтын зөвлөлийг Их Хурлаасаа сонгоно.