12-р сарын 6-нд, ОХУ-ын ерөнхийлөгч Путин, 2018 оны ерөнхийлөгчийн сонгуульд өрсөлдөхөө мэдэгдлээ. Ийнхүү Путин ОХУ-ын ерөнхийлөгчийн сонгуульд дөрөв дэх удаагаа оролцохоор боллоо. Хэрэв улиран сонгогдвол, тэр дахин 6 жил ерөнхийлөгчийн албан тушаал хашина. Тэрээр улсдаа томоохонд тооцогддог автомашины Горький үйлдвэрийн 85 жилийн ойн арга хэмжээнд оролцсон юм. Цугласан олонд тэрээр "Үүнээс илүү сайн цаг хугацаа байхгүй. 2018 оны ерөнхийлөгчийн сонгуульд өрсөлдөнө" гэжээ.
Энэ шийдвэрээ мэдэгдэхээс хэдхэн цагийн өмнө Путин 2017 оны Оросын сайн дурынханд шагнал гардуулах ёслолд оролцох үеэр мөн адил асуултад, сонгуульд оролцох эсэхээ тунгаан бодох шаардлагатай. Хэрэв ард иргэд дэмжиж, хүлээн зөвшөөрсөн нөхцөлд шийдвэрээ гаргана гэж хэлж байсан юм.
ОХУ-ын санал асуулгын төвийн 11-р сарын 26-нд нийтэлсэн иргэдийн санал асуулгын дүнгээс Путинийг дэмжигч 83 хувьд хүрч, итгэлийн хэмжээ гэхэд 52.5 хувь байгаа нь ОХУ-ын бусад албан тушаалтан, улс төрчдөөс илүү өндөр гарсан байна.
Эх сурвалж : Russia today news
