Цагдаагийн даргыг ерөнхий сайд томилдог. Дээд шүүхийн дарга, ерөнхий шүүгч, бүх шатны прокурорыг ерөнхийлөгч томилдог. УИХ шүүх, прокурор, цагдаагийнхныг хэнийг нь ч томилдоггүй. Улс төрийн зорилгоор баривчилгаа хийх арга нь явуургүй болсон гэж УИХ-ын дарга З.Энхболд намынхаа гишүүд дэмжигчидтэйгээ уулзахдаа хэлсэн нь улс төрд хаясан бас нэгэн тэсрэх бөмбөг байлаа. Сонгууль хаяанд ирсэн үед намынхаа нэр хүндийг унагасан алхам хийж байгаад АН-ын даргын хувьд дуугүй сууж чадахгүй гэж тэр хэлсэн үгэндээ онцоллоо. Баттулгын хэлсэн "нүүрсний нам"-ынхан хөдөлгөөнд оржээ. Улс төр, эдийн засгийн бүлэг монголын улс төр, эдийн засагт дангаараа ноёрхохыг хүсэж байна. Тиймээс замд таарсан том, жижиг чулуу бүхнийг зайлуулах ажлаа эхэллээ.
