.JPG)
Хан-Уул дүүргийн удирдлагууд хууль зөрчих болжээ. Дүүргийн ИТХ дахь МАН-ын бүлэг төсөвт иргэдээс санал аваагүй, урьдчилан зарлахгүйгээр өнөөдөр хуралдаж байгаа юм байна. Шилэн дансны хуулийг зөрчиж зарцуулсан төсвийн хөрөнгийн талаар мэдээлэл авахаар Дүүргийн ИТХ дахь АН-ын бүлгээс ЗДТГ, ИТХ-д нийт 56 албан бичиг хүргүүлсэн боловч хариу өгөхөөс татгалзжээ. Иймд Дүүргийн АН-ынхан болон иргэд сонгогчид Дүүргийн ИТХ-ыг эсэргүүцэж байгаа юм байна.
Тус дүүргийн удирдлагууд дүүргийн байрны хаяг сольж, өрөөнүүдийн хаалгыг сольсноос өөр иргэн рүү чиглэсэн ажил хийгээгүй, үндэслэлгүйгээр халагдсан 300 гаруй төрийн албан хаагчдыг буцааж томилох шүүхийн шийдвэр гараад байхад томилохгүй байгаа тул АН-ын бүлэг эсэргүүцлээ илэрхийлж байгаа юм байна. Зарим нэг албан хаагчийг буцааж томилсон ч 7 хоног хүрээгүй хугацаанд дахин халсан тушаал гаргасан байна. Шүүхийн шийдвэрийг энэ мэтчилэн хэрэгжүүлсэн мэт харагдуулж, мөн чанартаа шийдвэрийг биелүүлэхгүй байгаа юм байна.
Ц.ХИШГЭЭ
