НИЙСЛЭЛИЙН ЭРХЗҮЙН БАЙДЛЫН ТУХАЙ ХУУЛИЙН ШИНЭЧИЛСЭН НАЙРУУЛГЫГ НИЙСЛЭЛ ДҮҮРГИЙН ИТХ-ААР ХЭЛЭЛЦҮҮЛЭХ ЁСТОЙ

2018-01-09  

            Нийслэл хотын эрхзүйн байдлыг зохицуулах гол хууль болох Нийслэлийн эрхзүйн байдлын тухай хууль анх 1994 онд батлагдсан байдаг. Харин нийслэл хот өргөжин тэлж, хүн ам нь өсч хөгжихийн хэрээр уг хуульд өөрчлөлт оруулах шаардлага үүссэн байна.  Өөрөөр хэлбэл,

Нийслэлийн эрх зүйн байдлын тухай хууль батлагдсанаас хойшхи 23 жилийн хугацаанд 9 дүүрэг, 152 хороотой нийслэл хотын үйл ажиллагаа жигдэрч, эдийн засаг, нийгмийн харилцааны хувьд тодорхой хэмжээнд өргөжин хөгжиж, оршин суугчдын тоо 1.3 саяд хүрсэн.  Нийслэл хотын хөдөлмөрийн насны хүн амын тоо л гэхэд 981.456, жил тутам шилжиж ирэгсдийн тоо 30.297, төрөлт 42.790 бөгөөд нийслэлийн дотоодын нийт бүтээгдэхүүний хэмжээ 14.881 тэрбум төгрөгт хүрсэн  байна.

Тиймээс өнгөрсөн онд уг хуулийн шинэчлэн найруулах ёстой гэж үзэн хуулийн шинэчилсэн найруулгын төслийг УИХ-ын гишүүн Ж.Мөнхбат УИХ-ын даргад өргөн барьж байсан юм.

            Харин НИТХ дахь АН-ын бүлгийн зүгээс уг хуулийг дан ганц захиргааны байгууллагаар хэлэлцүүлж батлах нь учир дутагдалтай гэж үзжээ. Ингээд уг хуулийн шинэчилсэн найруулгын төслийг НИТХ болон дүүргүүдийн ИТХ-аар хэлэлцүүлж гаргасан санал дүгнэлтийг хуулийн төсөлд тусгуулж ажиллах саналыг НИТХ-ын дарга С.Амарсайханд хүргүүлжээ. Түүнчлэн уг саналтай холбоотой хариуг 1-р сарын 15-ны дотор мэдэгдэхийг мөн хүсчээ.   

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ТҮГЖРЭЛИЙГ СААРУУЛАХ ЗОРИЛГООР АВТОМАШИНЫ ДУГААРЫН ХЯЗГААРЛАЛТАД ИРЭХ САРЫН 15-НААС АРАВДУГААР САРЫН 1-НИЙГ ХҮРТЭЛ ӨӨРЧЛӨЛТ ОРУУЛНА. ТА АЛЬ ХУВИЛБАРЫГ ДЭМЖИХ ВЭ?