ШӨХТГ-аас өнөөдөр 11 цагт хурал зарлаж шатахууны үнийн өсөлт, шатахуун импортлогчдын үйл ажиллагаанд хийж байгаа шалгалтын талаар мэдээллээ.
Энэ үеэрээ шатахууны зохиомол хомсдол үүсгэж, үнэ нэмсэн аж ахуйн нэгжүүдийн тусгай эрхийг түдгэлзүүлэх санал гаргалаа.
Шатахуун импортлогч аж ахуйн нэгжүүд байсхийгээд үнэ нэмэх асуудал тавьдаг. Тиймээс ШӨХТГ-аас шатахуун импортлогч нартай уулзаж, зөвлөмж өгсөн байна. Гэтэл нефть импортлогчид хоёр ч удаа зөрчил гаргалаа.
Тиймээс шатахууны хомсдол үүсгэж, үнэнд өөрчлөлт оруулахыг ШӨХТГ-аас зөвшөөрөхгүй гэж үзэж байна.
Тус газар эхний ээлжинд “Магнай трейд” компанийн эрхийг цуцлах саналыг өнөөдөр Уул Уурхай Хүнд Үйлдвэрийн Яаманд хүргүүлж байгаагаа мэдэгдлээ.