БОАЖ-ын сайд Н.Цэрэнбат "Утааг бууруулахын тулд тодорхой зорилтот хэсэгт утаа бага гаргадаг зуух түгээхээс өөр замгүй" гэсэн тайлбар хийж олны дургүйцлийг хүргээд байсан юм. Тэгвэл түүнд Ерөнхий сайд У.Хүрэлсүх анхааруулга өгчээ.
Тэрээр өөрийн цахим хуудастаа :
БОАЖ-ын сайд Н.Цэрэнбатад анхааруулъя! Зуух тараах тухай бодлогогүй яриаагаа зогсоо. Манай Засгийн газар утааны эсрэг эрчим хүчээр хангах, орон сууцаар хангах, нүүрс боловсруулах үйлдвэр барих зэрэг олон үе шаттай арга хэмжээ хэрэгжүүлэх ёстой. Асуудалд ухарч биш урагшаа харж ханд! гэжээ.
Ерөнхий сайд албан ёсоор мэдэгдэл хийж Н.Цэрэнбатад анхааруулгаа өгөөгүй ч өөрийн цахим хуудсаараа дамжуулж энэхүү анхааруулгаа хүргэж байгаа нь түүний байр суурь мөн гэж олон нийт хүлээж авч байна. Тиймээс "утааг арилгах нэрээр зуух тарааж мөнгө үрэх" гэсэн БОАЖ-ын сайдын санаархал талаар болох бололтой.
С.ШҮРЭНЧИМЭГ