О.Баасанхүү, Н.Энхбаяр хоёрын хэн нь намын дарга болох маргааныг өнөөдөр Дээд шүүх салгалаа. Монголын улс төрд О.Баасанхүү "бяруу" бол Н.Энхбаяр " Бух" юм.
Чухам ингэж хэлэхийн учир О.Баасанхүүг Н.Энхбаяр л тэжээж бойжуулсан. О.Баасанхүүгийн эвэр ургасан, хүч бяр амтагдсан байж магад. Турхирч буй хүч ч байхыг үгүйсгэхгүй. Өнөөдөр тэр тэнхээтэй болж, МАХН-ыг өөртөө авах санаархалдаа улайрч байна.
Харин Дээд шүүх О.Баасанхүүг дэмжих шийдвэр гаргаж гэмээнэ Н.Энхбаярын бий болгосон МАХН-ыг тэр "булаан" авах байлаа. Тэгснээрээ Монголын улс төрд эзлэх Н.Энхбаярын байр суурийг хязгаарлах байсан хэрэг. Энэ нь ч МАН-д ашигтай, АН-д ашиггүй хувилбар, алсдаа. Харин Дээд шүүх "тэжээсэн бяруу тэрэг эвдэж болохгүй" гэх шийдвэрт хүрч Н.Энхбаяр бух болохоо баталлаа.
Ц.ХИШГЭЭ