Монгол улсын хөдөлмөрийн сайдын 2016 оны 2-р сарын 8-ны А/36 тоот тушаалаар баталсан "Насанд хүрээгүй хүнийг ажиллуулахыг хориглосон ажлын байрны жагсаалт"-д
"Жил бүрийн 11-р сарын 1-нээс 5-р сарын 1-нийг хүртэл хугацаанд уралдаан, сунгаа, үсэргээнд 16-наас доош насны хүүхдээр хурдан морь унуулахыг хориглосон" байдаг.
Энэ дагуу аймгуудын Мэргэжлийн хяналтын газраас өвөл, хаврын улиралд хурдан морины уралдаан зохион байгуулахгүй байхыг уяачдад анхааруулж эхэлжээ.
Ийм анхааруулгыг эхний ээлжинд Өвөрхангай аймгийн Мэргэжлийн хяналтын газраас гаргасан бөгөөд хэрэв энэ анхааруулгыг үл хайхарч хурдан морины уралдаан зохион байгуулсны улмаас хүүхдийн амь нас, эрүүл мэндэд хохирол учирсан тохиолдолд уг уралдааныг зохион байгуулсан уяачдын холбоо болон иргэд өөрсдөө хариуцлага хүлээхийг мөн сануулжээ.
С.Шүрэнчимэг
