Ойрын өдрүүдэд ихэнх нутгаар хүйтний эрч хадгалагдахыг УЦУОШГ-аас анхааруулж байна.
Энэ сарын 24, 27-нд нутгийн баруун өмнөд хэсгээр, 25, 26-нд баруун аймгуудын нутгийн зарим газар, зүүн аймгуудын нутгийн зүүн хэсгээр цас орно. Ихэнх хугацаанд секундэд 7-12 метр, явган шуурга шуурна.
Увс нуур болон Дархадын хотгор, Завхан голын эх, Идэр, Тэс голын хөндийгөөр шөнөдөө 45-50 градус, өдөртөө 33-38 градус, Хүрэн бэлчир, Хараа, Ерөө, Туул, Тэрэлж, Хэрлэн, Улз, Халх голын хөндийгөөр шөнөдөө 38-43 градус, өдөртөө 28-33 градус байх нь.
Харин Алтай, Хангай, Хөвсгөл, Хэнтэйн уулархаг нутгаар шөнөдөө 33-38 градус, өдөртөө 23-28 градус, говийн бүс нутгийн баруун өмнөд хэсгээр шөнөдөө 20-25 градус, өдөртөө 14-19 градус, бусад нутгаар шөнөдөө 27-32 градус, өдөртөө 20-25 градус хүйтэн байна.
Улаанбаатар хотын хувьд Яармаг, Сонгины орчмоор хамгийн хүйтэн буюу шөнөдөө 42-44 градус, бусад хэсгээр 33-35 градус, өдөртөө 25-27 градус хүйтэн байх юм байна.
Иймд ойрын хүйтэн өдрүүдэд иргэд хөдөлмөрчид ажил хөдөлмөрөө зөв төлөвлөх, замд гарч байгаа бол аюулгүй байдлаа сайтар хангахыг УЦУОШГ-аас анхааруулж байна.
