- МАХН-ын асуудлаар Дээд Шүүхэд дахин зарга мэдүүлнэ. Нэмж материал бүрдүүлж өгнө. Захиргааны шүүхээр ч явна. Асуудал дуусах яагаа ч үгүй. Бадарчин баярлах болоогүй. УИХ-д гишүүнээр сонгогдсон миний "ач буянаар" 124 сая төгрөг улсаас авдаг авдаг. Түүнээсээ нэг ч төгрөгийг эзэнд нь өгдөггүй. Би ядаж гишүүнд оногдох 20 сая төгрөгөө нэхэмжлэнэ. Тэр мөнгөө тойрогтоо зарцуулмаар байна.
МАХН бол өөрийн гэсэн намын байргүй. Намдаа авна гэж хэлчихээд хувийн компанийн нэр дээр 500 сая төгрөгөөр одоогийн байраа худалдан авсан нь шүүх дээр шалгагдаж байгаа. Хэрэг прокурорт хүрсэн. Удахгүй МАХН-ын ерөнхий нарийн бичгийн дарга Шийлэгдамбын шүүх хурал ч болно. Түүний авсан гэх 40 мянган ам.долларыг Н.Энхбаяр төлөх ёстой. Тэгэж байж Шийлэгдамбын хэрэг хөнгөрнө. Яагаад гэвэл хэрэг үүсгэсэн тэр мөнгийг Шийлэгдамба өөртөө аваагүй, намдаа тушаасан. Дээр нь Намын дэд дарга Оюунбаатар ч "Тэмээн поло"-г дэмжиж 150 сая төгрөг улсаас гаргасан байдаг. Гэтэл "Тэмээн поло"ТББ нь түүний дүүгийн нэр дээр бүртгэлтэй байдаг. Энэ асуудлыг ч орхихгүй гэдэг байр суурийг О.Баасанхүү илэрхийллээ.
Ц.ХИШГЭЭ
