Монгол Улсын Ерөнхий сайд У.Хүрэлсүх, Засгийн газрын гишүүд, Нийслэлийн удирдлагууд, Засгийн газрын Хэрэг эрхлэх газар, Нийслэлийн Засаг даргын Тамгын газрын газар, хэлтсийн дарга, мэргэжилтнүүд оролцсон “Нийслэлийн өмнө тулгамдаж буй асуудлууд, шийдвэрлэх арга зам” уулзалт болж өнгөрлөө.
Уулзалтын үеэр үндсэн дөрвөн сэдвийг хөндөж илтгэл хэлэлцүүлэг хийсэн байна. Ерөнхий сайд У.Хүрэлсүх хэлэлцүүлсэн эдгээр төсөл, хөтөлбөрийг ажил болгоход сэтгэл, эрч хүч, зохион байгуулалт хэрэгтэйг онцолсон юм. Мөн Нийслэл хотын тулгамдсан асуудлын нэг болоод байгаа утаа, агаарын бохирдлыг багасгахын тулд 2019 оны дөрөвдүгээр сарын 1-нээс Улаанбаатарт ахуйн зориулалтаар түүхий нүүрс оруулахгүй, хуульчилж хориглоно гэдгээ мэдэгдлээ. Энэ ажлыг БОАЖ-ын сайд Н.Цэрэнбат, Хотын дарга С.Батболд хоёр хариуцаж ажиллахыг үүрэг болгосон байна.
М.ЦАЦРАЛ
