Монгол, БНХАУ-ын Засгийн газрын 2004 оны “Хилийн боомт тэдгээрийн дэглэмийн тухай” хэлэлцээрийн 4.3-т заасны дагуу нийтээр амрах баярын өдрүүдэд урд хилийн боомт амардаг. Энэ сарын 15-18-нд буюу сар шинийн баярын өдрүүдэд Монгол, Хятадын автозамын хилийн боомтууд амарна гэдгээ мэдэгдлээ. Харин төмөр замын болон агаарын тээвэр цагийн хуваарийн дагуу хэвийн ажиллана.
Мөн Монгол, ОХУ-ын хилийн боомтуудын цагийн хуваарьт өөрчлөлт орсон байна.
Тухайлбал, Цагааннуур, Боршоо, Тэс, Арцсуурь автозамын боомт энэ сарын 15-17-ныг дуустал амарна. Ханх боомт энэ сарын 16,17-нд амрах бол Ульхан боомт зөвхөн 16-нд амарч, төмөр зам болон агаарын тээврийн газрынхан цагийн хуваарийн дагуу хэвийн ажиллах аж.