Нийслэлийн Багануур дүүргийн 5 дугаар хороонд 450 боодол өвс шатсан хэрэг шинийн 2-ны өдөр гарсан байна.
Тодруулбал өвс шатсан дуудлагыг 15:05 цагт хүлээн авч тус дүүргийн Гал түймэр унтраах, аврах 64 дүгээр ангийн 7 алба хаагч, 2 автомашинтайгаар 15:10 цагт хүрэлцэн очиж, нэг цаг ажиллаж унтраасан байна.
Мөн тухайн өдөр Баянгол дүүргийн 3 дугаар хороонд баригдаж буй барилгийн манаачийн байр, Сонгинохайрхан дүүргийн 26 дугаар хороонд байшин, гараж, Чингэлтэй дүүргийн 10 дугаар хороонд гэр шатсан байна. Галын улмаас хүний амь нас эрсэдсэн хэрэг гараагүй хэмээн ОБЕГ-аас мэдээлэл өгч байна.
Н.ОДГИЙВ