Нийслэлээс үзүүлж байгаа төрийн үйлчилгээний чанар, хүртээмжийг нэмэгдүүлэх үүднээс төрийн үйлчилгээг цахим хэлбэрт үе шаттайгаар шилжүүлэхээр болжээ.
Ингэснээр үйлчилгээний шат дамжлага багасч, хороодоос үзүүлэх төрийн үйлчилгээний нэр төрөл нэмэгдэхээс гадна нийслэлийн нутгийн захиргааны байгууллагуудын хооронд мэдээлэл солилцох технологи ч сайжирна гэж үзэж байна.
Тиймээс уг ажлыг хэрэгжүүлэх ажлын хэсэг байгуулж, эхний ээлжинд нийслэлийн нутгийн захиргааны сонгогдсон таван байгууллагын 55 үйлчилгээг цахимжуулж, нийтийн хэрэглээнд нэвтрүүлэхээр болжээ.
