АНУ-ын Жоржиа муж улсын дунд сургуульд нэгэн багш гал нээсэн байна. Үүний улмаас хүн бэртэж гэмтээгүй бөгөөд сурагчид аюулгүй байдалд байна. Сэжигтнийг баривчлан саатуулаад байгаа бөгөөд тус сургуулийг түр хугацаанд хаасан тухай орон нутгийн цагдаагийн газар мэдэгдсэн байна.
Цагдаа нар эцэг эхчүүдийг сургуулийн байр руу орохыг хориглож байсан хэдий ч ойролцоогоор 10 минутын дараа сэжигтнийг баривчилсан тухайгаа мэдэгджээ.
Өнгөрсөн сард Флорида муж улсын дунд сургуульд олон хүн амиа алдсан хэрэг гарснаас хойш АНУ-д иймэрхүү хэргүүдийг онцгой анхаарах болоод байна. Аюулд орсон тохиолдолд сурагчдаа хамгаалах үүднээс зарим багш нарыг зэвсэгтэй байлгах саналыг АНУ-ын Ерөнхийлөгч Дональд Трамп тавиад байгаа хэдий ч энэ нь гэмт хэргийг улам ихээр нэмэгдүүлнэ гэж хүмүүс болгоомжилж байгаа учир түүний санал ихээхэн шүүмжлэлд өртөөд байгаа юм байна.
Н.ОДГИЙВ