Бэлгийн хүчирхийлэлтэй холбоотой дуулиан шуугианд холбогдсон нэрт продюсер Харви Вайнштейны гэрийнхээ халаадтайгаа орон дээр сууж байгаагаар дүрсэлсэн хөшөөг Оскарын шагнал гардуулах ёслол болохоос хэдхэн өдрийн өмнө Холливудад босгосон байна. Уг хөшөөг алтан бүрмэл өнгөөр буджээ.
Холливудын нэрт продюсер Харви Вайнштейн 30 жилийн туршид өөрийн хамтран ажилладаг байсан хүмүүстээ бэлгийн дарамт үзүүлж байсан тухай нийтлэлийг өнгөрсөн оны 10 дугаар сард “Нью Йорк Таймс” сонин олон нийтэд дэлгэснээс хойш 80 гаруй эмэгтэй, тэдний дотор алдарт жүжигчин Анжелина Жоли, Гвинет Пэлтроу, Эшли Жудд нар түүний бэлгийн дарамтанд өртөж байснаа мэдэгдсэн юм. Харин Х.Вайнштейн үүнийг үгүйсгэж, харилцан зөвшөөрөлцсөний үндсэн дээр бэлгийн харилцаанд ордог байсан хэмээн мэдэгдээд байсан юм.
Н.ОДГИЙВ
