Одоогийн хэллэгээр 5:0-дуулсан 70 сая ам.долларыг төлөх хугацаа хуулийнхаа дагуу 5 дугаар сарын 15-нд аж. Арбитрын шүүхээр гадаадын компанид Монголын Засгийн газар далаа цэвэр тавиулж төлөхөөр болсон 70 сая ам.долларыг энэ оныг төсвийн тодотголд суулгаж төлөхөөр болсон тухай Сангийн сайд Б.Болор айлдсан. Засгийн газрын мөнгө хаанаас бий бүрддэг вэ гэдэгт давхар давхар татвар төлөн амьдарч буй иргэд төвөггүй хариулах биз. Улсын төсөв гэж тусдаа саалийн үнээ мөнгөний авдар байхгүй шүү дээ. Гадаадаас зээлсэн 70 давхар зээлийн хүүгээ ард иргэдийн нуруун дээр ичихгүйгээр тохсон Засгийн газар энэ удаа хариуцлагагүй эрх баригчдынхаа тавьсан 70 сая ам.долларынхаа өрийг бас л ийн иргэддээ үүрүүлэхээр шийдлээ. С.Баярыг Ерөнхий сайд байх үед болсон энэхүү хуйвалдаан, будилааны эцэст Монгол Улсын Засгийн газар нэр нүүрээ барж, иргэд нь дахин нэг ачаа үүрэх нь аль хэр шударга явдал вэ? Гадаадын хөрөнгө оруулалт байхгүй болсон гэж гоншигнох ч орж ирсэн нэгнийг нь зөв буруу нь мэдэгдэхгүй хөөж гарган, улсаа өрөнд унагасан тэр хүмүүст яагаад хариуцлага ярихгүй өнгөрнө вэ?
Х.АЯЛГУУ
