ОБЕГ-ын харьяа Аврах тусгай ангийн агаарын ажиллагааны салбараас шүхэрчин аврагчдын дадлага буултыг Налайх дүүрэгт байрлах Зэвсэгт хүчний 337 дугаар ангийн нислэг буултын талбайд өнгөрсөн амралтын өдрүүдэд зохион байгуулсан байна.
Шүхрийн зааварлагч, шүхэрчин аврагч, десантчин аврагч, нисэх төхөөрөмжийн нисгэгч нарын ур чадварыг дээшлүүлэх зорилготой дадлага буултанд нийт 40 гаруй алба хаагч хамрагджээ.
Энэ удаагийн дадлага сургуулийг МИ-171Е маягийн нисдэг тэргээр 26 шүхэрчин аврагч нийт 305 удаагийн шүхрийн буултыг хийж дадлага туршлагаа ахиуллаа. Мөн гурван алба хаагч шинээр шүхэрлэн бууж, долоон удаагийн шүхрийн буултыг амжилттай гүйцэтгэн шүхэрчин-аврагчаар дадлагажсан байна.
Н.ОДГИЙВ
