“Оскар”-ын шилдэг эмэгтэй дүрийн шагналын хүртсэн Франсес МакДормандын алтан хүний баримлыг ням гаригийн хүлээн авалтын дараа хулгайд алдсан байна. Лос Анжелес хотын цагдаа нар сэжигтнийг цаг алдалгүй баривчилжээ. Алтан хүний баримлыг хулгайлсан этгээд хотын захирагчийн хүлээн авалтын тасалбар борлуулагч болохыг Лос Анжелес хотын цагдаагийн газраас тогтоосон байна. Жүжигчин Франсес МакДорманд шагналаа алдахын өмнө баримал дээр өөрийн нэрийг бичүүлж амжсан байжээ.
Тэрбээр 1997 онд “Фарго” киноны дүрээр “Оскар”-ын шилдэг эмэгтэй дүрийн шагнал авч байсан юм. Өнгөрсөн ням гаригт болсон “Оскар”-ын наадмаас Франсес 'Three Billboards Outside Ebbing, Missouri.' Киноны дүрээр хоёр дахь удаагаа “Оскар”-ын шагналын эзэн болсон юм.
Н.ОДГИЙВ