БНСУ-д гэрээгээр ажиллах хүсэлтэй иргэдийн шалгалтын бүртгэл энэ сарын 5-нд эхэлсэн. Бүртгэл өнөөдөр өндөрлөх бөгөөд аймаг, дүүргийн Хөдөлмөр, халамжийн үйлчилгээний газарт, хэлтсүүдэд авч байгаа юм. Тухайн шалгалтад орохыг хүссэн иргэн 18-39 насных байх бөгөөд БНСУ-аас албадан гаргах шийдвэрээр нутаг буцаагүй иргэн, хилийн хориг тавиулсан этгээд биш бол бүртгүүлж болох юм байна.
Бүртгэл эхлээд хоёр хоног болж байгаа ч зарим газар бүртгэлийн квот дуусчээ. Улаанбаатар хотын алслагдсан дүүрэг болох Баганнуурт 100 квот оногдсоноос дууссан байна.
Улаанбаатар хотын дүүргүүдийн хувьд бүртгэл явагдаж байгаа гэдгийг мэдэгдлээ.
Солонгос хэлний шалгалтын зохион байгуулагчаар БНСУ-ын Аж үйлдвэрийн хүний нөөцийн хэрэг эрхлэх газар(АҮХНХЭГ) болон Хөдөлмөр, нийгмийн хамгааллын яам, Хөдөлмөр халамжийн үйлчилгээний ерөнхий газар ажиллаж байна.
Бүртгүүлсэн иргэдийн тооноос хамааран шалгалтыг ямар хэлбэрээр авахыг сонгох юм. Одоогоор 4-5 сард шалгалт явагдаж, зургадугаар сарын 11-ний өдөр шалгалтыг хариу задлахаар болсон мэдээллийг байгуулагчаар БНСУ-ын Аж үйлдвэрийн хүний нөөцийн хэрэг эрхлэх газраас мэдэгдлээ.
Н.ОДГИЙВ