ВЛАДИМИР ПУТИН ЗХУ-ЫН АНХНЫ ЕРӨНХИЙЛӨГЧ МИХАИЛ ГОРБАЧЕВТ ТӨРСӨН ӨДРИЙН МЭНДЧИЛГЭЭ ДЭВШҮҮЛЛЭЭ

2018-03-12  

ОХУ-ын Ерөнхийлөгч Владимир Путин ЗХУ-ын анхны Ерөнхийлөгч Михаил Горбачевын олон улсын тавцанд үзүүлсэн нөлөө болон төсөл, хөтөлбөрүүд хэрэгжүүлэхэд оруулсан хувь нэмрийг нь өндрөөр үнэлж, төрсөн өдрийн мэндчилгээ дэвшүүлсэн байна. Оросын төрийн тэргүүний илгээсэн мэндчилгээг “Горбачев сан"-гийн цахим хуудаст нийтэлжээ.

Путин мэндчилгээндээ “Манай улсад төдийгүй хилийн чанадад алдартай, төр, нийгмийн нэрт зүтгэлтэн, туршлагатай улс төрч таны олон улсын хүмүүнлэгийн хамтын ажиллагаанд оруулсан хувь нэмрийг үнэлж, боловсрол, буяны төслүүд хэрэгжүүлэхэд оролцох сонирхолтой байгаад гүнээ талархаж байна" хэмээн бичжээ.

Эдүгээ Горбачев 87 нас хүрч буй юм байна. Оросын улс төр, нийгмийн нэрт зүтгэлтэн Горбачев ЗХУ-ын Коммунист намын Төв хорооны сүүлчийн нарийн бичгийн дарга (1985-1991), ЗХУ-ын анхны бөгөөд цорын ганц ерөнхийлөгч(1990-1991) юм. Тэрбээр 1990 онд Нобелийн Энхтайвны шагнал хүртэж байсан юм.




Н.ОДГИЙВ

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга