БНСУ-ын хил дээр Монгол Улсаас очиж буй иргэдийн гар цүнх болон ачааг нь нэг бүрчлэн шалгаж байгаа юм байна. Тодруулбал, Урьд шөнө “Korean Air”-аар ирсэн 150 гаруй монголчуудыг бүгдэд нь номeр тараагаад гурван цаг гаруй дугаарлуулж байгаад бүх хүний ачааг нэг нэгэнгүй үзэж шалгасан байна. Тамхи, тариа, хиам, борц, гээд бүгдийн хураагаад дээр нь хил зөрчигч гэсэн гарын үсэг зуруулсан гэж солонгост амьдарч байгаа монголчуудын групп дээр нэгэн иргэн зурагтай хамт нийтэлжээ. Мөн түүнчлэн шалгалтууд ганц өнөөдөр биш байгаа бололтой. Тиймээс БНСУ-ыг зорьж байгаа иргэд ачаа тээсэндээ анхаарч аль болох хүнсний бүтээгдэхүүн авч явахгүй, хүний захиас авахгүй байх анхааруулж байна.
Н.ОДГИЙВ
