33:32 бүлэг МАН-д үүссэн. Энэ бол МАН-ын доторхи хамгийн том хагарал. Тэгвэл АН-ыг ч энэ зовлон тойрсонгүй. Угаасаа 5 том фракцид хуваагддаг АН хэзээ нэг цул нам байж чадаагүй гэж улс төр судлаачид үздэг.
Тэд Засгаа байгуулах, албан тушаал хуваарилах, нэр дэвшүүлэхдээ ч энэ л зарчмыг баримталж ирсэн. Дор бүхнээ толгойлогч лидертэй, өөр хоорондоо тохиролцсоны үндсэн дээр шийдвэрээ гаргаж ирсэн. Тэгвэл энэ байдал ужгирч, намын эв нэгдэлд цав суужээ. Дээр нь сүүлийн 10 жил УЗ-г хуралдуулж байгаагүй гэдэг шүүмжлэлийг Н.Алтанхуяг тус намын дарга байхдаа сонсож ирсэн. С.Эрдэнэ дарга болонгуутаа УЗ-г БЗ буюу бодлогын зөвлөл болгож шинээр нэрлэсэн. Одоо шат шатны ротаци хийхдээрээ тулсан. Ротациар намдаа хуучин байр сууриа бэхжүүлж чадахгүй нь тодорхой болсон А.Бат-Үүл, Б.Баабар нар намаа, намын дарга С.Эрдэнийгээ хүчтэй шүүмжилж эхэллээ. Тэд өөрсдөдөө дагагсад бий гэж найдаж байна.
Ц.ХИШГЭЭ
