Иргэд улс төрийн намуудад итгэл алдарсан. Хамгийн сүүлд 750 хүний дунд хийсэн судалгаагаар дөнгөж 30% нь намд итгэл үзүүлжээ. Эрх баригч МАН-д 11%, сөрөг хүчин АН-д 15%, гуравдагч хүчний төлөөлөл МАХН-д 4-хэн %-ийн итгэл үзүүлэх тухай судалгааны дүн гарчээ.
Өөрөөр хэлбэл 100 сонгогчийн 70 нь өөр улс төрийн хүчнийг хайж эрэлхийлж байна гэж ойлгож болох нь. Тэгвэл АН-ч зохион байгуулалтад орж, шинэ намын сураг гарч буй бол, МАН дотор " Дэвшилтэт холбоо" байгуулагдсан байна. У.Хүрэлсүхийг дэмжиж засгаа унагасан МАН-ын залуу гишүүд Ж.Энхбаяр, Т.Аюурсайхан, Л.Оюун-Эрдэнэ, Х.Нямбаатар, Л.Энхболд, Н.Учрал, Б.Энх-Амгалан нарын 7 гишүүн энэ холбоог санаачлан үүсгэн байгуулснаа зарлалаа. Дэвшилтэт намын төлөө гэсэн, авлигын эсрэг,ирэх 25 жилийн шинэ хөгжлийн төлөө гэсэн бодлого боловсруулсан тухай мэдээллээ цацаж эхэллээ. Намд нь итгэл алдарсан энэ үед алуучууд дээр нь дэвшилтэт гэсэн өнгө төрхөөр ялгарч, чадвал улс төрд ирэх 25 жилд оршин тогтноно гэж тэр долоо найдаж буй бололтой. Эдний хувьд Хүрэлсүхийг дэмжсэн ч, засгийн суудал хуваарилалтын зураасны гадна үлдэгсэд юм. Тэд дахин зураасны гадна үлдэхийг хүсэхгүй гэдгээ энэ нэгдлээрээ илэрхийллээ гэж ойлгох болох талтай.
Н.ОДГИЙВ