Өчигдөр буюу 3-р сарын 15-ны өдөр "Элгэн" гэх компани Хөвсгөл аймгийн Бүрэнтогтох сумын нутаг Эрчимийн нурууны Нүүрстэй гэх газар уул уурхайн олборлолт явуулахаар зэхэж эхэлжээ. Тус газар нь аймгийн төв Мөрөн хотоос 20 зм орчим зайд Дэлгэрмөрөний хөвөөнд юм. Өөрөөр хэлбэл, энд уул уурхайн олборлолт явуулж эхэлбэл Дэлгэрмөрөн бохирдож, ширгэж үгүй болох аюул нүүрлэнэ гэсэн үг.
Нутгийн иргэдийн мэдээлж байгаагаар энд "Элгэн" ХХК компани үйл ажиллагаа явуулахаар олон гэр барьж хажуугаар нь нуттгийн иргэдэд гурил тараасан байна. Тус компани 2008 онд хайгуулын лиценз, 2017 оны 10 сард ашиглатын лиценз авсан гэсэн тайлбар өгчээ.
Гэхдээ одоогоор тус газар үнэхээр зөвшөөрөлтэй эсэх, хэн зөвшөөрөл олгосон эсэх нь таамаг төдий байна. Ямартай ч ухаж эхлэхэд бэлэн болжээ.
Харин Хөвсгөлчүүд дуу хоолойгоо нэгтгэн нэг ч газрыг ухуулахгүй хэмээн тэмцэж эхлээд байна.
Уг нь Хөвсгөл аймагт Жилчиг булаг, Могойн гол зэрэг нүүрсний уурхайнууд байсаар байтал хэн гэдэг хүн юуны учир, ямар эрх мэдлээрээ далайлган байж заавал онгон дагшин газар ухах гэж улайрч байгааг нутгийн иргэд асууж байна!!!
Мөн нутгийн иргэд цахим хуудсаар ХӨВСГӨЛ АЙМГАА УУЛ УУРХАЙГҮЙ ДАРХАН ЦААЗАТ АЙМАГ БОЛГОХЫН ТӨЛӨӨ НЭГДЭХИЙГ УРИАЛСАН БАЙНА.
С.ШҮРЭНЧИМЭГ