Архангай аймгийн Эрдэнэмандал сумын Тээл багийн “Өлөнт” гэдэг газар сумын төвөөс зүүн зүгт 5 км-т, Ө-48052/00, У-101045/00 өчигдөр 02:14 цагт 4.5 магнитудын хүчтэй газар хөдлөлт болсон байна.
Тус сумын Засаг даргын Тамгын газрын даргаас Онцгой байдлын байгууллага нөхцөл байдлыг хоёр ч удаа тодруулахад, “Иргэдэд газар хөдлөлтийн чичирхийлэл мэдрэгдсэн, одоогоор учирсан хохирол байхгүй” хэмээн мэдээлж байсан юм. Гэвч тус сумын Ерөнхий боловсролын 10 жилийн сургуулийн 3 давхар барилгын хана цуурсан, нэгдүгээр давхрын цонхны шил хагарсан тухай мэдээллийг сургуулийн захирал Д.Болор-Эрдэнэ аймгийн Онцгой байдлын газарт мэдээллээ.
Н.ОДГИЙВ
