Өчигдөр МАХН-ын хэвлэл мэдээлэл хариуцсан нарийн бичгийн дарга Б.Тулга намын дарга Н.Энхбаярыг БНСУ руу эмчлүүлэхээр явсан асуудлаар мэдээлэл хийсэн. Энэ үеэр тэрээр УИХ-ын гишүүн Л.Цогын туслах Г.Улаанбаатартай зодолдсон гэх мэдээлэлд "Г.Улаанбаатар бид хоёр сүүлийн үед огт тааралдаагүй. Тийм хүмүүс хоорондоо зодолдсон байж таарах уу” гэсэн хариултыг өгсөн билээ. Тэднийг намын даргаа гаргаж өгөх үеэр зодолдсон гэх мэдээлэл олон нийтийн сүлжээгээр тараад байсан юм. Дашрамд дурдахад Б.Тулга төрийн ордонд УИХ-ын гишүүн О.Баасанхүүг боож унагасан мэдээлэл нэг хэсэг шуугиан тарьсан. Энэ үед тэрээр мөн л “Тийм юм болоогүй. Зарчмын хувьд шаардлага тавьж маргалдсан зүйл бий” хэмээн хэлж байсан удаатай.
А.САЯН
