Өчигдөр буюу энэ сарын 15 ны өдөр МУГЖ, Төмрийн Ариунаагийн 51 насны төрсөн өдөр болсон байна. Урлагийн салбарт үнэнчээр зүтгэж яваа түүний төрсөн өдөрт салбар салбарын зочид ирцгээжээ. Гэхдээ олны дундаас онцгой гэдэг шиг тэдэн дундаас яалт ч үгүй ялгарч харагдсан нь дуучны хань болоод хоёр хүү нь байсан байна. “Эрос” хатагтай, НҮБ-ын элч дуучин тодотголтой МУГЖ Төмөрийн Ариунаа 1967 оны гуравдугаар сарын 15-нд Улаанбаатар хотноо төржээ. Тэрбээр багадаа одоогийнх шигээ “галзуу” бус, ихэд даруухан хүүхэд байсан гэдэг. Тэрбээр нийслэлийн 52 дугаар дунд сургуульд сурч байх үеэсээ л хүүхдийн дууны нэрт зохиолч Л.Галмандахын удирдлага дор бэлтгэл, сургуулилт хийж, “Нарны дуулал” хамтлагт дуулж байсан байна. Анх 15 настайдаа “16 нас” хэмээх анхны дуугаа дуулснаар урлагийн хүн болох замнал нь эхэлж байжээ.
Н.ОДГИЙВ
