Тэр хэвлэлийн бага хурал зарлаж мэдээлэл хийсэн. - 2009 онд энэ төсөл дээр ажилласан хүмүүс Монгол улсынхаа төлөө чин сэтгэлээсээ, чөмгөө дундартал зүтгэж байж энэ гэрээг хийсэн гэж онцлоод - Төгс төгөлдөр гэрээ гэж дэлхий дээр хаана ч байхгүй гэж гэрээний сул талаа хаацайлахыг оролдов.
Харин Швейцарын талтай хамтарсан шалгалт эхэлсэн талаар, - Би баяртай байна. Монголчууд өөрсдөдөө үл итгэдэг. Тиймээс Швейцарийн банкин дахь дансыг тэдний талаас оролцож шийдвэрлэх нь эргэлзээг тайлах болно гэж хэллээ.
Намаас хөөгдсөн тухайд: -Энэ шийдвэр бол эмгэнэлтэй. Надаас хэн ч юу ч асуугаагүй. Шүүхээр асуудлыг шийдэж дуустал хүнийг гэм буруутай гэж үздэггүй. Энэ бол Ардчилсан нийгмийн зарчим. Манай намын удирдлагууд ийм дуулианыг далимдуулаад намаас хөөж байна. Хүний эрх, хувийн өмч, шашин шүтэх, үзэл бодлоо чөлөөтэй илэрхийлэх асуудлыг хавчин боогоод эхэлбэл ардчилсан нийгмийн суурь ганхана гэж хэллээ.
Гэхдээ тэр өөрөө өндөр албан тушаал, эрх ямба эдэлж байхдаа энэ тухай огт дурсаж байгаагүй нэгэн. Энгийн нэг иргэн болчихоод ингэж гомдоллох цаг ирнэ гэдгийг улс төрч байхдаа тооцоогүй. Нийгмийн гажуудлыг тэр засахыг оролдоогүй, харин ч гажуудуулах үйл явцын нэг эрэг шураг болж явсныг өнөөдөр санах хэрэгтэй.
Д.НЯМАА
