“Гамшгийн аюулын тухай зарлан мэдээллийн дохио дамжуулах журам”, “Гамшгийн үед нүүлгэн шилжүүлэх журам”-д заасны дагуу өнөөдөр 16:00 цагт гамшгийн аюулын зарлан мэдээллийн дохиогоор ажиллах дадлага, сургуулилтыг орон даяар зохион байгуулах гэж байна.
Онцгой байдлын ерөнхий газрын Гамшгийн шуурхай удирдлага, зарлан мэдээллийн төвөөс улс орон даяар зарлан мэдээллийн дохиог гурван удаа дамжуулах юм.
Энэ үеэр Баянзүрх дүүргийн 11 дүгээр хорооны /Хонхор/ иргэдийг нүүлгэн шилжүүлэх юм. Газар хөдлөлтийн гамшгийн аюулын үед Улаанбаатар хотын иргэдийг түр байранд нүүлгэн шилжүүлж байгаа анхны томоохон дадлага сургуулилт болж байгаа юм.
Тиймээс иргэд, хөдөлмөрчид ч мөн нэгдсэн зохион байгуулалтад орж гамшгийн дадлага сургуулилтад идэвхтэй оролцохыг уриалж байна.
Уг дадлага сургуулилт нь газар хөдлөлт болон томоохон хэмжээний аюулт үзэгдэл, осол тохиолдох үед хэрхэн аюул багатай гарах, хэрхэн гэр бүлээ аварч үлдэх зэрэгт томоохон дадлага болох юм.