Айлчлал амжилттай болсон тухай мэдээлж байна. 4,7 тэрбум ам.долларын хөрөнгө оруулалт, хамтын ажиллагааг айлчлалын үеэр хоёр тал үзэглэсэн. 2 тэрбум ам.долларын буцалтгүй тусламжийг Монголчуудад олгох болсон.
Хятадын дарга Си Жин Пин, ерөнхий сайд Ли Кэчань нар Монгол улсын ерөнхий сайд У.Хүрэлсүхийг найрсгаар хүлээн авч, уулзсан. Түүний 3 номер биш, нэг номерийн түвшинд авсан гэж дүгнэж ч болно. Учир нь У.Хүрэлсүх бол гүйцэтгэх засаглалын тэргүүн төдийгүй, эрх барьж буй улс төрийн намын дарга. Тиймээс У.Хүрэлсүхийн айлчлалд онцгой ач холбогдол өгсөн гэж хэлэх бүрэн үндэслэлтэй. Уулзалт найрсаг хүрээнд, халуун дулаан уур амьсгалд боллоо гэж ерөнхий сайдыг дагалдаж явсан сэтгүүлчид үнэлсэн.
Ганцхан зүйлийг л манай ерөнхийлөгчид хэлсэн. -Та нар юу ч хийж, юу ч хэлж болно. Бид дэмжихэд бэлэн. Ганцхан зүйлийг л та нар шийдчих. Өөр хоорондоо учраа эхлээд олчих. Ийм үгийг Си Жин Пин дарга Монгол улсын ерөнхий сайдтай уулзах яриандаа онцолсон байна. Энэ бол нөгөө хөрөнгө оруулалтын гэрээ, хамтын ажиллагааг хэлж байна. Өмнөговь аймагт зам тавих, зэрэгцээ авто зам, төмөр зам барих, Эрчим хүчний дэд станц барих, Гашуун сухайтын боомтыг шинэчлэн барих гэрээг үзэглэсэн. Гэхдээ л эхлээд энэ зарчмын асуудлаараа өөр хоорондоо учраа ол гэж санууллаа гэж ойлгож болно.
Энэ үгээ Монголчуудад, тэр дундаа Монголын төрийг барьж буй улс төрийн нам, түүний гишүүдээс бүрдэх УИХ-д ч хамаатуулан хэлж байна. Утга нь : Эхлээд Монголчууд та нар өөр хоорондоо зарчмын хувьд саналаа нэгтгэ, дараа нь бидэнд ханд! Ийм л үгийг ерөнхий сайд У.Хүрэлсүх дээд хэмжээний айлчлалын үеэр Хятад улсын дарга Си Жин Пинээс сонссон байна. Энэ бол зарчим, нөгөө талаас сануулга гэж ойлгож ч болох.
Ц.ХИШГЭЭ
