ХУД-ийн иргэдийн төлөөлөл өнөөдөр мэдээлэл хийлээ. Тэд ХУД-т талцал маргаан хэрээс хэтэрч байгаа талаар мэдээллээ.
Тухайлбал, Хороодын иргэдийн нийтийн хурлын хуралдааныг хуралдуулахгүй байх оролдлогыг гурван удаагийн тогтоолоор баталсан байна.
ИТХ-ын дарга Б.Цэрэн дүүргийн 16 хорооны ИТХ-ыг хуралдуулахгүй байх тухай
2017 оны 1-р сарын 03-нд, 2-р сарын 08-нд, 3-р сарын 14-нд тус тус ...тоот албан бичгүүд гаргаж хороодод хүргүүлжээ. Энэ нь хууль зөрчиж улс орны хөгжил, иргэдийн аж амьдралаас хойш чангааж байна хэрэг гэж иргэд үзэж байна.
Одоогийн байлдаар ХУД-ийн хороо тус бүр хоёр хурлын дарга, хоёр засаг даргатай болсон байна. Үүнээс болж иргэд нь ч талцаж, маргалдах болжээ.
Мөн хууль ёсны мөн биш нь мэдэгдэхгүй хэд хэдэн тогтоол, шийдвэр гаргажээ. 2-р сард л гэхэд 6 тогтоол гаргасан нь бүгд шүүхийн маргаантай яваа юм байна.
ХУД-ИЙН ИТХ 2016 ОНООС ХОЙШ НЭГЧ УДАА ХУРАЛДААГҮЙ
Энэ мэт маргаантай асуудлаас болж 2016 оноос хойш ХУД-ийн ИТХ нэг ч удаа хуралдаагүй байна. Тиймээс иргэд нь АТГ-т санал гомдлоо хүргүүлж байгаа нь энэ юм.
Ийнхүү монгол улс даяар намаараа талцан сандал суудлын төлөө маргалдаж байгаа олон байгууллага, аж ахуйн нэгжийн нэг нь ХУД болж байна.