Ерөнхий сайд асан С.Баярын бие муудаж, эмчилгээнд оржээ.
Монгол улсын 3 дахь ерөнхийлөгч, УИХ-ын дарга, ерөнхий сайд, эрх баригч намын дарга Н.Энхбаярыг баривчилж байхад улс төрчид бүгд л амандаа ус залгисан мэт дуугүй байсан. Өөрийг нь ерөнхий сайд болгосон С.Баяр ч сураггүй болсон. Ганцхан Ц.Элбэгдорж л амаа мэдэхгүй, цуцахгүй ярьж байсан. Тэгвэл С.Баярыг өмнө нь Н.Энхбаярыг цагдан хорьж байсан 461 -р ангид ерөнхий сайд Ч.Сайханбилэгийн хамт саатуулж байна. - Хоёр ерөнхий сайдыг барих нь Монголыг гадаад ертөнцөд муухай харагдуулж байна гэж С.Баяр хэлээд үзлээ.
Тэрбээр Оюутолгойн гэрээг мухарласны дараахан эрүүл мэнд муудлаа гэх шалтгаар ерөнхий сайдын суудлаа өгөөд "зайлсан". Харин Англи руу элчин сайдаар томилогдохдоо эрүүл мэндийн шалтаг тоочоогүй атал, 461-р ангид очингуутаа багтраа, харшил зэрэг өвчнөөс болж бие муудлаа гэх болжээ. Түүний хамт хоригдож буй Тагнуул, Татварын дарга асан Ариунсан ч үе мөчний архаг өвчин нь сэдэрсэн байна.
Ийнхүү эмчилгээнд орсон тухай Хүний эрхийн үндэсний комиссын дарга Бямбадорж сэтгүүлчдэд мэдээлэв.
Ц.ХИШГЭЭ