Ойр ойрхон мэдэгдэл хийх, ярилцлага өгөх хүмүүсийг АН-ын дарга, Нийслэл хотын дарга, захирагч асан Э.Бат-Үүл тэргүүлэх болов. Тэр Оюутолгойн гэрээг цээжээрээ хамгаалж, өөрийн улс төрийн хамтрагч, түнш С.Баярыг хаацайлах болов. Тэр намаасаа жийгдэгсдийн эгнээнд шилжсэн тул Баабартай нийлж, АН-ын дарга С.Эрдэнээг ч шүүмжилж, болж өгвөл аль нэг улс төрийн намын хаалт хамгаалалт эрэлхийлж эхлэв.
Түүний хүү Чулуудайн мандуулсан хэрэг сөхөгдчих гээд, түүний хүүгийн нэр дээр байсан Greenline компанийн тендерийн ялалт гээд шилээ дарсан олон асуудал сөхөгдөх дээрээ тулжээ. Тиймээс Э.Бат-Үүл тэвдэж эхэлжээ. Ядаж байхад яр гэгчээр, Оюутолгойн асуудлын зэрэгцээ Ц.Элбэгдоржийн үед хавтаст хэргийг нь бүрмөсөн хааж орхисон С.Зоригийн хэрэг дахин сөхөгдөж, Зоригийн эхнэр Булганыг дахин яллагдагчаар татчихсан нь бас л нэг нэмэлт цохилт болов.
С.Зоригийн гэрт малгайгаа орхисон гэх, С.Зоригийн эхнэр Булганы "нууц амраг" гэж хэвлэлээр олон жил цоллуулсан Э.Бат-Үүлийг энэ хэрэг бас тойрохгүй бололтой. Энэ хэргийг улс төрийн аллага биш, ахуйн сэдэлтэй гэдэг дүгнэлтийг гаднын мэргэжилтнүүд хийсэн нь мөн анхаарал татдаг. Ийнхүү Э.Бат-Үүл давчдаж, унтах нойр хасаж, идэх хоолоо багасгахад хүрчээ.
Ц.ЭНХБАТ
